Bħal-lum ġimgħa, fil-Belt Valletta, se tiġi ċċelebrata l-festa ta’ San Pawl Nawfragu. U fi kliem l-Eks Sindku Alfred Zammit, “kieku ma kienx għas-suppervja, l-intriċċi , il-mibegħda, it-tpattija, il-kompliċità, il-falsità, nuqqas ta’ azzjoni mill-awtoritajiet u aktar”.
Fuq Facebook, Alfred Zammit insista li kieku llum qed tiġi inawgurata faċċata restawrata u lesta – proġett li kellu sa mill-bidu nett l-appoġġ tal-Kunsillieri tal-PN fil-Belt Valletta.
“Tlifna sentejn żmien minħabba dan kollu. Hemm xhud Alla u San Pawl kemm ħażen irrenja biex dan ma seħħx! Dan huwa l-istat allarmanti li fiha tinsab il-faċċata tal-Kolleġjata Pawlina llum. Tal-misthija dawk kollha li kienu kompliċi biex ir-restawr għadu jistenna, minkejja li l-fondi jinsabu lesti u approvati.”
