Żewġt irġiel Ukreni ngħataw sentenza ta’ ħabs sospiża wara li ammettew li ppruvaw jisirqu oġġetti minn karozzi pparkjati f’San Pawl il-Baħar. Oleksander Fadieiv ta’ 41 sena ammetta wkoll li ta dettalji foloz lill-pulizija, filwaqt li Roman Sienco ta’ 34 sena ammetta li kien fis-sakra f’diversi toroq u għalhekk ma kienx kapaċi jieħu ħsieb tiegħu nniffsu.
It-tnejn ġew arrestati fi Triq It-Turisti wara tip off li ngħataw il-pulizija. Wieħed kien qed iżomm wiper tal-karozza li kienet qed jintuża biex tfarrak il-karozzi biex ikunu jistgħu jinfetħu. Il-Maġistrat Leonard Caruana ikkundanna lit-tnejn għal disa’ xhur ħabs sospiżi għal 13-il xahar u ordnathom iħallsu għad-danni fi żmien xahar. L-ispettur tal-Pulizija Warren Galea mexxa l-prosekuzzjoni. L-avukat Mark Mifsud Cutajar kien l-avukat difensur.
