Il-Malta Employers analizza l-proposta għar-riformi li qed jipproponi li jwettaq il-Gvern fil-qasam tax-xogħol f’pajjiżna u sostna li għalkemm hu pożittiv, għadu jeħtieġ ċertu aġġustament sabiex id-dokument propost jissodisfa r-rekwiżiti attwali u futuri tas-suq tax-xogħol, kif ukoll biex jippermetti l-flessibbiltà meħtieġa biex is-setturi ekonomiċi jwettqu l-operazzjonijiet tagħhom b’mod effiċjenti, etiku u kompetittiv.
Fil-kontribuzzjonijiet formali tal-Malta Employers lill-awtoritajiet dwar id-dokument ta’ konsultazzjoni tal-politika dwar ix-xogħol, ingħataw wara feedback dettaljat mill-membri matul webinar speċjali li sar ix-xahar li għadda, u li kien jinkludi parteċipazzjoni ta’ kważi 200 membru.
Malta Employers tikkonsidra l-politika dwar ix-xogħol bħala proposta meħtieġa, speċjalment meta wieħed iqis id-demografija tas-suq tax-xogħol f’pajjiżna u d-dipendenza tal-ekonomija fuq il-ħaddiema barranin.
