Il-Ministru tas-Saħħa tar-Renju Unit irreżenja wara numru ta’ messaġġi abbużivi li bagħat fil-konfront tal-kollegi tiegħu.
Andrew Gwynne kellu jirreżenja wara li gazzetta lokali żvelat numru ta’ messaġġi offensivi u abbużivi fil-konfront ta’ kostitwenti u membri parlamentari.
Huwa kien ukoll sospiż mill-partit tal-Labour immexxi mill-Prim Ministru Kier Stramer.
Kelliem għall-Gvern spjega kif il-Prim Ministru Brittaniku kien determinat li jżomm l-ogħla standards u għaldaqstant mhux ħa jżomm lura milli jieħu azzjoni f’sitwazzjonijiet bħal dawn.
Intant, l-eks Ministru Gwynne għamel apoloġija fuq X filwaqt li spjega li jaċċetta d-deċiżjoni tal-Prim Ministru.
Fost il-messaġġi xokkanti kien wieħed, fejn Gwynne stqarr li jittama li anzjana ta’ 72 sena tmut mill-aktar fis wara li kitbet lill-kunsillier lokali tagħha dwar il-ġbir tal-iskart.
