Tliet plejers rebħu l-finali rispettiva tagħhom meta l-Malta Blackball Federation organizzat tournament ieħor ta’ kwalifikazzjoni għat-Tazza tan-Nazzjonijiet 2025.
Fil-finali ta’ taħt it-23 sena, Steve Muscat għeleb lil Matthias Debono 9-4 filwaqt li fil-kategorija ta’ ‘l fuq minn 40 sena, Duncan Edwards għeleb lil Mario Scicluna 10-3 .
Fil-finali tal-Masters ‘il fuq minn 50 sena, Johan Grixti kellu rebħa ta’ 9-3 kontra Jesmond Schembri.
Dawn it-tliet plejers kisbu post awtomatiku fit-tim nazzjonali Malti li se jikkompeti fit-Tazza tan-Nazzjonijiet 2025 tal-Blackball li se ssir fi Bridlington, fir-Renju Unit bejn il-5 u l-11 ta April ta’ din is-sena.
