Futbol ta’ livell baxx miż-żewġ timijiet’ – Darren Abdilla, kowċ ta’ Floriana

‘Il-pitch ma kienx f’kundizzjoni li jintlagħab il-futbol, personalment nemmen li ma kinetx deċiżjoni tajba iżda nirrispettaha.’ Dawn kienu l-ewwel kummenti li ta l-kowċ ta’ Floriana Darren Abdilla wara l-logħba kontra M’Xlokk li huma rebħu bl-iskor ta’ 2-1. Huwa kompla jżid: ‘ Rajna futbol ta’ livell baxx miż-żewġ timijiet. Logħba li wkoll ġiet kundizzjonata minn gowl kmieni li aħna mbagħad ippruvajna niddefendu b’saħħa. Nifhem ukoll lill-kowċ avversarju imma kien hemm episodji fuq iż-żewġ naħat fejn finalment dawn jibbilanċjaw ruħhom.  Peró kumplimenti lill-players taż-żewġ timijiet u kburi bil-players tiegħi għax anki meta ġejna draw huma emmnu li nistgħu nirbħu fejn urew grinta kbira biex ksibna t-tliet punti.’

‘Min jiżbalja għandu jerfa’ r-responsabbilta’

• Vincenzo Potenza, kowċ M’Xlokk FC

‘Nixtieq nagħti l-prosit tiegħi lil Floriana għal din ir-rebħa f’dawn il-kundizzjonijiet.’ Hekk ikkummenta l-kowċ ta’ Marsaxlokk Vincenzo Potenza viżibbilment irrabjat ukoll għal ċertu deċiżjonijiet fit-telfa tat-tim tiegħu kontra Floriana. Huwa kompla: ‘Jien ili sitt snin hawn Malta u qatt ma tkellimt fuq deċiżjonijiet tar-referee. Imma li jkollok sitwazzjoni fejn throw in favur Marsaxlokk li l-assistent referee hekk issinjala u jingħata bil-kontra u minnu sussegwentament tasal l-azzjoni tal-corner u tal-gowl, mhux aċċettabbli. Min jiżbalja jrid ikollu l-kuraġġ li jassumi r-responsabbilta. Jien dejjem naċċetta d-deċiżjonijiet tajbin u ħżiena imma llum naħseb li qbiżna ftit il-limitu.’

TIM TAL-ĠIMGĦA

Goalkeeper: Henry Bonello (Ħamrun Spartans)

Difensuri: Tomislav Papazov (Birkirkara) Henrique Murillo Freira (Sliema Wanderers), Gonzalo Julian Garmarra (Floriana).

Midfielders: Matias Garcia (Floriana), Khevin Fraga (Hibernians), Alexander Satariano (Birkirkara), Jan Busuttil (Balzan)

Attakkant: Ilias Martins (Hibernians), Cesar Menacho (Ħamrun Spartans), Mohammed Awad (Sliema Wanderers)

LOGĦOB LI JMISS

Il-Ġimgħa 14 ta’ Frar, 2025

Tony Bezzina Stadium

6.00pm            Mosta vs M’Xlokk

8.15pm            Sliema W. vs Gżira Utd.

Is-Sibt 15 ta’ Frar, 2025

Tony Bezzina Stadium

2.00pm            Naxxar L. vs B’Kara

4.15pm            Hibernians vs Żabbar SP

Il-Ħadd 16 ta’ Frar, 2025

Stadium Nazzjonali

2.00pm            Balzan vs Floriana

4.15pm            Melita vs Ħamrun S.