Raġel qed isostni li sofra ħsara “fiżika, psikoloġika u finanzjarja” meta s-sistema tas-saħħa mmexxija mill-isptat naqset milli tikkurah b’mod adegwat u dan fir-rigward tal-kundizzjoni tiegħu – li rriżultat f’diversi ponot jinfirxu u jsiru feriti miftuħa bl-uġigħ jippersisti li dam fuqu tmien snin.
Il-feriti kellhom jitneħħew kirurġikament u jsir tilqim fil-ġilda tiegħu. Wara din il-prova, tabib privat ippreskriva medikazzjoni orali li nixfet il-feriti li kien fadal mingħajr il-ħtieġa ta’ aktar operazzjonijiet. Ir-raġel ta’ 68 sena, u martu, ippreżentaw protest ġudizzjarju kontra l-Kap Eżekuttiv tal-Isptar Mater Dei, is-Segretarju Permanenti fi ħdan il-Ministeru tas-Saħħa u l-Uffiċjal Mediku Ewlieni li qed iżommhom responsabbli għad-danni li sofra tul dawn is-snin.
Fil-protest tiegħu huwa spjega li fl-2015 kien riferut lid-dipartiment tad-dermatoloġija tal-Isptar Sir Paul Boffa wara li nnota tikek fuq rasu u f’idejh. Huwa ġie preskritt trattament permezz ta’ silġ niexef u cream. Iżda t-tikek infirxu peress li l-krema ma kinitx effettiva.
Matul is-snin ġew preskritti kremi differenti li xtara u applika skont l-istruzzjonijiet. Dan dam għaddej sal-2021. Sadanittant it-tikek, li nfirxu malajr, saru feriti miftuħa hekk kif kibru ‘l fuq mil-livell tal-ġilda u bdew joħorġu u jimbottaw id-demm.
Dan kien uġigħ kbir ħafna u kellu joqgħod attent li ma jolqothomx. Ma setax jorqod aktar fl-istess kamra ta’ martu. Huwa kien fuq pilloli għall-uġigħ. Barra minn hekk hu, u l-familja tiegħu, kellhom jissaportu l-riħa li toħroġ mill-feriti.
Qatt ma qalulhu x’kien qed jikkawżahom. Fis-27 ta’ Frar, 2023, mar għal appuntament ieħor u ngħata appuntament ieħor li kien erba’ xhur bogħod. Huwa rrrabja u beda jgħajjat għax ma jiflaħx aktar. Tobba fl-inħawi avviċinawh. Tabib wieħed, kirurgu konsulent, eżaminah. Huwa qallu li kellhom jitneħħew il-ġrieħi f’rasu u f’idejh kif ukoll li kienu kibru fil-wiċċ li kien issuspetta li jista’ jkun ikkawżat minn tumur.
L-intervent sar f’April li għadda u kien jinvolvi wkoll it-tilqim tal-ġilda. Ftit tal-ħin wara li qalulhu li kellu jagħmel operazzjoni oħra biex jitneħħew il-feriti l-oħra. Huwa talab it-tieni opinjoni u mara għand konsulent privat u ġie preskritt mediċina orali bl-isem ta’ Acitretin li rriżultat tagħha kienet tajba, bil-feriti jinxfu mingħajr il-ħtieġa ta’ operazzjoni.
Fil-protest ir-raġel qal li l-awtoritajiet tal-isptar naqsu milli jagħtuh servizz tas-saħħa adegwat li kkaġunalu jbati bla bżonn fiżikament, psikoloġikament u finanzjarjament. Huwa żamm lill-awtoritajiet responsabbli għad-danni u rriserva d-dritt li jieħu aktar azzjoni legali.
L-avukat Michael Tanti-Doughall u l-prokuratur legali Gerald Bonello ffirmaw il-protest.
