Riżultati pożittivi mit-timijiet nazzjonali tal-Pool fil-Kampjonat Eight Ball tal-Ewropa organizzati mill-Malta Pool Association b’partecipazzjoni ta’ aktar minn 700 plejer minn 10 pajjiżi fi 11-il kategorija fil-kampjonati.
Fil-Finali tat-timijiet ‘A’ tal-Irġiel Malta sfat megħluba minn Wales 8 – 3 wara li fis-semifinali t-tim Malti kien għeleb 8 – 7 lill-Irlanda u aktar qabel lill-Irlanda ta’ Fuq 10 – 5 . Fil-process Malta kienet għelbet lil Portugall 13 – 2 ; lill-Belgju 11 – 4 u lil Wales 8 – 7 . It-tim Malti mmexxi minn Carmel Cilia kien magħmul minn Gary Carr, Dejan Grech, Clayton Cstaldi, Ryan Pisani, Miguel Amato u Miguel Falzon.
Riżultat mill-aqwa għat Tim Malti ‘D’ immexxi minn Daniel Paul Grima li fil-finali għeleb lill-Irlanda 8 – 5 wara li fis-semifinali kien elimina lil Franza 8 – 3 u fil-proċess għeleb 9 – 6 lill-Belgju, 11 – 4 lil Wales u 9 – 6 lill-Irlanda ta’ Fuq. It-tim Malti kien magħmul minn Daniel Paul Grima, Edric Grech, Wedley Zammit, Glenn Axiaq, Warren Falzon, Dwight Charles u Luke Said.
It-tim Malti ‘C’immexxi minn Keith Camilleri tilef il-finali kontra l-Irlanda 8 – 3 wara li aktar qabel kien għeleb lil Belġju bl-istess punteġġ.
It-Tim A taż-Żgħażagħ wara li fis-semifinali għeleb lill-Iskozja, safa’ megħlub fil-finali mill-Ingilterra 8 – 5 . It-tim kien immexxi minn Vince Saliba u magħmul minn Dielyn Edwards, Jake u Chaylon Castaldi u Denzel Falzon.
