Il-Pulizija għadhom qed jinvestigaw is-sejba tal-katavri ta’ Gene Hackman u l-mara tiegħu Betsy Arakawa. Dan wara li l-katavri tagħhom instabu fid-dar fejn kienu jgħixu, fejn instab ukoll mejjet il-kelb tal-koppja.
Hackman huwa stilla taċ-ċinema b’karriera twila ta’ kważi 60 sena.
Bħala attur, Gene Hackman kien rebaħ żewġ Oscars, żewġ BAFTAS, kif ukoll erba’ Golden Globes.
Hu jibqa’ magħruf l-aktar għall-films ‘The French Connection’ li bih rebaħ l-Oscar tal-Aqwa Attur, u l-film ‘Unforgiven’. Dan apparti li ħa sehem fil-film ‘Superman’ tal-1978 u ‘Bonnie & Clyde’ bħala supporting actor.
