Matul il-jum tal-Ħadd, għadd ta’ persuni nġabru l-Belt Valletta sabiex igawdu l-Karnival, li ta’ kull sena joffri kostumi u karrijiet mimlijin dettalji u kuluri mill-isbaħ.
NET News tkellem ma’ għadd ta’ tfal libsin kostumi mill-isbaħ, fejn qalulna xi jħobbu l-iżjed dwar il-Karnival.
Tkellimna wkoll ma’ għadd ta’ dilettanti tal-karrijiet u żeffiena, li esprimew magħna kemm il-Karnival jirrekjedi xogħol.
L-attivitajiet tal-Karnival se jkomplu għaddejjin sa nhar it-Tlieta filgħaxija, bl-attivitajiet jilħqu l-qofol tagħhom bil-Gran De Filè li se jsir fi Triq Sant Anna, il-Furjana mis-6pm ’l quddiem.
