Mark Carney rebaħ it-tellieqa biex jieħu post Justin Trudeau bħala l-Prim Ministru tal-Kanada, u wiegħed li jirbaħ il-gwerra kummerċjali kontra l-President Amerikan Donald Trump hekk kif issa ser ikun l-24 Prim Ministru tal-Kanada
L-eks gvernatur tal-bank ċentrali Kanadiż u tal-Bank of England għeleb tliet rivali fit-tellieqa għat-tmexxija tal-Partit Liberali, b’maġġoranza komda.
Fid-diskors tiegħu, Carney, ta’ 59 sena, attakka lil Trump – dan wara li impona tariffi fuq il-Kanada. Carney saħaq li “fil-kummerċ, bħal fil-hockey, il-Kanada se tirbaħ.”
