Raġel ta’ 35 sena residenti Marsaskala weġġa’ gravi wara inċident ikrah li seħħ fi Triq Buqana fil-limiti tar-Rabat, wara li t-trakk li kien qiegħed isuq inqaleb f’nofs it-triq.
Il-każ seħħ għall-ħabta tal-10am.
Is-sewwieq ingħata l-għajnuna minn tim mediku u ttieħed l-Isptar Mater Dei b’ambulanza.
Aktar tard huwa kien iċċertifikat bi ġrieħi gravi.
Nies fil-post qalulna li ħafna materjal tal-kostruzzjoni u terrapien spiċċa f’nofs it-triq. Tant li din l-arterja ewlenija kellha tingħalaq għal xi ħin.
L-investigazzjonijiet tal-Pulizija għadhom għaddejjin.
