Ir-Re Charles tar-Renju Unit xorta waħda mistenni jżomm iż-żjara statali ppjanata għal April li ġej fil-Vatikan – anke jekk il-Papa Franġisku preżentament jinsab l-isptar Gemelli ta’ Ruma wara xahar rikoverat minħabba problemi serji fil-pulmun.
Din iż-żjara bejn ir-Re Karlu, gvernatur tal-Knisja Anglikana u l-Papa Fraġisku, Kap tal-Knisja Kattoloka, ilha għal dawn l-aħħar xhur ippjanata li ssir. Dan anke sabiex tissaħħaħ l-għaqda bejn iż-żewġ denominazzjonijiet reliġjużi.
Ir-Re Charles flimkien mar-Reġina Camilla ser jattendu wkoll għal żjara statali mal-Gvern Taljan immexxi mill-Prim Ministru Georgia Meloni.
Apparti min hekk, din iż-żjara ser taħbat ukoll mal-20 sena anniversarju miż-żwieġ tal-koppja rjali – hekk kif lura fl-2005 ir-Re Karlu u r-Reġina Camilla kienu ngħaqdu fiż-żwieġ, dan fost kontroversja dwar ir-relazzjoni tagħhom matul is-snin.
