Sa issa, għadu ma kien hemm ebda żblokk dwar il-ftehim kollettiv għal-lecturers tal-MCAST. Il-Union of Professional Educators (UPE) qalet li kollox għadu fil-limbu.
Fi stqarrija, il-UPE insistiet li jaf jasal is-sajf u xorta jkun għadu ma ntlaħaqx qbil fuq dan il-ftehim kollettiv. Dan apparti li skont l-istess union teżisti frustrazzjoni fost l-istaff tal-Kulleġġ.
Il-UPE qalet ukoll li din l-inċertezza qed taffettwa l-moral tal-lecturers.
