KSU huwa kburi li jippreżenta TEDxUniversityofMalta: From Matter to Mind, serata ta’ diskussjonijiet li jesploraw il-ħsieb dwar kif l-esperjenzi jiffurmaw l-identità, ir-reżiljenza u t-tkabbir personali.
Dan l-avveniment se jsir fit-28 ta’ Marzu fis-7:30pm fid-DMME Labs, l-Università ta’ Malta, u se jippreżenta kelliema minn oqsma differenti li se jaqsmu ħsibijiet uniċi dwar il-forzi li jiffurmaw ħajjitna u l-għażliet tagħna.
Ispirat mill-kunċett filosofiku li jesplora l-interazzjoni bejn il-forzi esterni u l-aġenzija personali, dan l-avveniment se jħeġġeġ lill-udjenza tirrifletti fuq kif jinnavigaw il-ħajja u jittrasformaw ruħhom permezz ta’ dawn il-forzi.
Mir-reżiljenza quddiem l-avversità sat-trasformazzjoni fil-qasam tas-saħħa, mir-realtajiet tal-ġurnaliżmu tal-gwerra, sar-rwol tal-ispiritwalità f’dinja mgħaġġla, TEDxUniversityofMalta se jipprovdi pjattaforma għal konversazzjonijiet profondi u perspettivi ġodda.
Fost il-kelliema distinti li se jieħdu sehem hemm:
- Lorinda Mamo, disinjatriċi u kittieba li darret fuq id-diffikultajiet personali b’missjoni ta’ tama u kreattività.
- Marisa Xuereb, ekonomista u Eks President tal-Malta Chamber of Commerce, li se tesplora l-mentalità meħtieġa biex jirnexxielna f’xenarju tan-negozju li dejjem qed jinbidel.
- René Rossignaud, ġurnalist fotografiku li se jaqsam l-esperjenzi tiegħu fil-kopertura ta’ zoni
ta’ kunflitt, u joffri ħarsa unika lil hinn mill-aħbarijiet. - Simon Attard Montalto, espert fil-mediċina, li se jiddiskuti l-evoluzzjoni tas-saħħa u
x’implikazzjonijiet jista’ jkollha għall-futur tagħna. - Mark Laurence Zammit, ġurnalist u produttur tal-midja, li se jesplora l-post tal-ispiritwalità
fil-ħajja moderna. - Maria Pisani, akkademika u attivista, li se tisfida l-kunċetti tradizzjonali tal-identità u
l-inklużjoni f’dinja li qed tinbidel b’ritmu mgħaġġel.
TEDxUniversityofMalta huwa avveniment miftuħ għal kulħadd li jixtieq jissieħeb f’ideat trasformattivi u jingħaqad ma’ komunità ta’ ħassieba kurjużi u bidlaġenturi. Biljetti jistgħu jinxtraw minn https://www.ksu.org.mt/media/events/tedxuniversityofmalta.
Ibqgħu aġġornati billi ssegwu TEDxUniversityofMalta u KSU fuq Instagram għal aħbarijiet u
kontenut minn wara l-kwinti.
