Filipin ta’ 34 sena residenti Ħal Tarxien weġġa’ gravi wara li waqa’ waqt li kien miexi fil-Bajja tal-Qarraba, fl-inħawi ta’ Għajn Tuffieħa.
L-inċident seħħ it-Tnejn waranofsinhar għall-ħabta tat-3pm.
Fuq il-post isejħu membri mid-Dipartiment tal-Protezzjoni Ċivili, iżda minħabba l-inaċċessibbiltà, intalbet ukoll l-assistenza mill-Forzi Armati ta’ Malta.
Helikoper tal-Armata mar fuq il-post u salva lir-raġel, fejn ittieħed l-Isptar Mater Dei għal aktar kura medika.
Intant, ir-raġel ġie ċċertifikat li qiegħed isofri minn ġrieħi gravi.
Rittrat: Dipartiment tal-Protezzjoni Ċivili
