Graham Bencini, PN
Id-Deputat Nazzjonalista Graham Bencini sostna li d-dejn li għandu l-pajjiż bħalssa hu wieħed rekord li l-pajjiż qatt ma kellu bħalu qabel.
Graham Bencini qal li l-pajjiż qed jiffaċċja problemi bil-qerda tal-ambjent, l-impatt tat-traffiku fuq is-saħħa, bl-għoli tal-ħajja, bil-problemi fl-edukazzjoni u bil-problemi fis-servizzi tas-saħħa. Mninkejja dawn ir-realtajiet, il-gvern qed jibqa’ jissellef bla kontroll u m’għandux soluzzjoni. Skont l-NSO id-dejn pubbliku hu ta’ €11-il biljun; l-ogħla livell li qatt kien fil-pajjiż.
Id-deputat Nazzjonalista qal li meta Robert Abela sar Prim Ministru d-dejn kien €5 biljun iżda issa dan irdoppja għal €11-il biljun. Dan iqajjem mistoqsijiet dwar kif il-flejjes qed jintefqu u kif dawn setgħu jintefqu aħjar. Dan id-dejn mhuwiex jintuża għas-saħħa, l-edukazzjoni, l-ambjent u t-traffiku iżda qed jintuża biex tkun finanzjata n-nefqa rikorrenti tal-gvern li mhijiex sostenibbli fejn il-budgets jiġu superati b’diversi miljuni.
L-amministrazzjoni kompliet tqassam direct-orders lill-ħbieb u twettaq tmexxija bla trasparenza. F’sena waħda l-gvern għamel iktar minn €2 miljun f’dejn ġdid.
Id-deputat Nazzjonalista qal li minkejja dan id-dejn ma kienx hemm titjib fl-infrastruttura jew f’inizjattivi fuq skala nazzjonali. Id-dejn hu ta’ €95 miljun fl-ewwel xahrejn tal-2025. Dan is-self strutturali jġib piżijiet addizzjonali bħall-imgħax li jitħallas fuq id-dejn.
Hu kompla li llum il-pajjiż iħallas €700,000 kuljum f’interessi fuq dan id-dejn. L-iffirmar ta’ ftehim kolletitvi ġodda hu pass fir-direzzjoni t-tajba, sostna Graham Bencini, li kompla li dawn il-ftehim jistgħu jitwettqu aħjar b’ġustizzja soċjali u sostenibbiltà.
Il-faqar qed dejjem jiżdied u qed jikbru l-problemi soċjali, sostna Graham Bencini, li kompla li 20% tal-popolazzjoni jinsabu f’riskju ta’ faqar. Minnhom hemm 20,000 tfal li qed jgħixu f’riskju ta’ faqar.
Hu tkellem dwar l-importanza tar-reputazzjoni internazzjonali u qal li Malta ma tistax iżżid piżijiet legali u amministrattivi li jaħdmu f’kuntest kumpless ħafna. Malta għandha ssaħħaħ ir-reputazzjoni tagħha biex tattira investiment barrani, sostna Graham Bencini.
