Il-Forzi Armati ta’ Malta bdew jipparteċipaw fil-Missjoni EUMAM UA minn Jannar tas-sena 2023, fejn l-uffiċjal tal-FAM għandu rwol ta’ Liaison Officer fejn il-ħidma tinvolvi l-iffaċilitar tal-komunikazzjoni bejn ir-Renju Unit u l-UE. Għalhekk ix-xogħol tiegħu hu biss amministrattiv fejn jiffaċilità l-komunikazzjoni bejn ir-Renju Unit u l-Unjoni Ewropea.
Dan ikkonfermah il-Ministru Byron Camilleri fil-Parlament. Hu qal dan għal mistoqsija tad-Deputat Nazzjonalista Darren Carabott u żied li wieħed mill-għanijiet tal-missjoni huwa li tingħata assistenza umanitarja.
L-għajnuna li Malta tat lill-Ukrajna hi marbuta ma’ dik umanitarja.
Dan jikkuntrasta mal-imġiba tal-Prim Ministru f’pajjiżna u fi Brussel fejn f’pajjiżna jgħid mod u fi Brussel jimxi mod ieħor meta jkun madwar il-mexxejja Ewropej.
