Fil-jiem li ġejjin se jkun qed jittella’ dramm tal-passjoni fit-Teatru tad-Dar Ċentrali tal-Partit Nazzjonalista.
Dan id-dramm, bl-isem ta’ “Il-Ġuri”, ilu għal dawn l-aħħar snin jiġbed lejh udjenza numeruża – l-aktar minħabba l-kapaċitajiet tal-atturi li jinterpretaw rwoli varji b’rabta mal-ġrajja tal-Ġimgħa Mqaddsa.
Id-dramm se jkun mifrux fuq jumejn, fil-5 ta’ April fis-7 pm u fis-6 ta’ April fit-3pm.
Il-preparamenti għal dan id-dramm ilhom għaddejin ġimgħat sħaħ, u fl-aħħar jiem anke l-Kap tal-PN Bernard Grech żar lill-atturi li se jkunu qed jieħdu sehem. Dan filwaqt li tkellem mat-tim tal-produzzjoni li huwa responsabbli minn dan id-dramm.
