Stennija għall-video uffiċjali tar-rebbieħa tal-Konkors Kanzunetta Indipendenza 2024, hekk kif il-Ħamis Net Television se jkun qed iniedi dan il-music video.
Il-festival illi sar f’Settembru li għadda f’Dar il-Mediterran kien intrebaħ mill-kantanta Karei, permezz tal-kanzunetta ‘Nistħajlek Hawn’. U issa, wara ġimgħat ta’ ħidma, se jkun qed jitnieda dan il-video uffiċjali.
Il-video mużikali għandu produzzjoni kollha kemm hi tat-tim ta’ dan l-istazzjon.
Il-kanzunetta ‘Nistħajlek Hawn’ għandha kompożizzjoni ta’ Mark Spiteri Lucas, u kitba ta’ Paul Ellul.
