Internazzjonali

L-attur ta’ ‘Batman Forever’ u ‘Top Gun’ Val Kilmer imut fl-età ta’ 65 sena

FILE - Val Kilmer poses for a portrait, Jan. 9, 2014, in Nashville, Tenn. (AP Photo/Mark Humphrey, File)

L-attur Val Kilmer, li ħadem f’uħud mill-akbar films tas-snin 80 u 90, fosthom Top Gun u Batman Forever, miet fl-età ta’ 65 sena.

It-tifla ta’ Kilmer, kienet il-persuna li kkonfermat li l-attur miet f’Kalifornja kaġun ta’ pneumonia akuta.

Hi saħqet li missierha kellu anke kanċer fil-griżmejn.

Imwieled fil-31 ta’ Diċembru tal-1959, Kilmer trabba f’familja ta’ ħaddiema, sabiex imbagħad eventwalment ta’ 17-il sena, sar l-iżgħar student irreġistrat fl-Iskola Julliard, fi New York – waħda mill-aktar skejjel prestiġjużi tad-drama.