L-Ispettur tad-Dixxiplina maħtur mill-MFA sabiex jinvestiga l-inċidenti li seħħew fil-partita ta’ nhar is-Sibt li għadda bejn Mosta u Żabbar SP li ntemmet f’rebħa ta’ 2-1 għal Mosta.
Fi tmiem il-partita nqalgħu bosta inċidenti bejn iż-żewġ timijiet. L-Ispettur tad-Dixxiplina ħabbar numru ta’ azzjonijiet u sospensjonijiet fejn se jkunu diskussi quddiem il-Bord tal-Kontroll, id-Dixxiplina u l-Etika fil-jiem li ġejjin.
Żabbar se jkunu mingħajr numru ta’ plejers għall-partiti li ġejjin fejn fost l-oħrajn il-kowċ Aniello Parisi ġie sospiż sal-1 ta’ Mejju filwaqt li l-goalkeeper Justin Haber ġie sospiż ħames partiti. Felix Bonilha u Kristian Keqi ġew sospiżi tliet partiti kull wieħed filwaqt li Strahinja Jovancic ġie sospiż żewġ partiti. Vinicius weħel partita waħda. L-uffiċjali ta’ Żabbar Andre Quiroga u Anthony Farrugia ġew sospiżi sal-1 ta’ Awwissu u l-1 ta’ Novembru rispettivament.
Intant, l-attakkant ta’ Mosta Prince Chibuzor weħel żewġ partiti filwaqt li l-uffiċjal ta’ Mosta Tryone Farrugia ġie sospiż sal-1 ta’ April tal-2026. Minn naħa l-oħra Adrian Farrugia ġie sospiż erba’ partiti.
