Livepool għelbu lil Everton bl-iskor ta’ 1-0 biex b’hekk reġgħu fetħu vantaġġ ta’ 12-il punt fil-quċċata tal-klassifika meta fadal tmien partiti. Il-gowl uniku wasal fis-57 minuta permezz ta’ Diogo Jota.
Manchester City kisbu rebħa importanti ta’ 2-0 fuq Leicester City biex b’hekk momentarjament telgħu fir-raba’ post tal-klassifika. Iż-żewġ gowls ta’ Manchester City kienu skorjati minn Jack Grealish wara żewġ minuti u Omar Marmoush fid-29 minuta.
Rebħa kruċjali barra minn darhom għal Aston Villa meta għelbu 2-0 lil Brighton. Marcus Rashford kompla bil-forma mill-aqwa tiegħu meta fetaħ il-vantaġġ fil-51 minuta. Simon Adingra kellu l-gowl tiegħu mħassar bil-VAR qabel ma’ Maro Asensio għalaq il-partita fit-78 minuta. It-tim ta’ Unai Emery kompla jkabbar l-iskor b’gowl fil-ħin mogħti żejjed permezz ta’ Donyell Malen.
Newcastle wkoll kisbu rebħa importanti għat-tamiet tagħhom li jtemmu mal-ewwel erba’ timijiet meta għelbu lil Brentford 2-1. Alexander Isak poġġa lill-Geordies fil-vantaġġ qabel il-mistrieħ. Bryan Mbeumo ġab parzjalment l-iskor indaqs fis-66 minuta qabel ma’ Sandro Tonali skorja l-gowl deċiżiv għal Newcastle fl-74 minuta.
Draw ta’ 1-1 bejn Southampton u Crystal Palace. Paul Onuachu poġġa lil Southampton fil-vantaġġ u Matheus Francs skorja l-gowl tad-draw tard fil-partita fit-92 minuta.
Rebħa wkoll mhux mistennija għal Ipswich Town barra minn darhom bl-iskor ta’ 2-1 kontra Bournemouth. Nathan Broadhead poġġa lil Ipswich fil-vantaġġ fl-34 minuta. Liam Delap irdoppja mas-siegħa logħob. Evanilson naqqas l-iskor seba’ minuti wara.
