Il-Gvern me weġibx għal mistoqsija li għamel fil-Parlament id-Deputat Nazzjonalista Toni Bezzina lil diversi Ministri ta’ Robert Abela.
Fil-Parlamet l-Oppożizzjoni, permezz ta’ Toni Bezzina, staqsiet lill-Ministru għal Għawdex u l-Ippjanar: jgħid kemm ta rigali u/jew donazzjonijiet minn fondi pubbliċi, xahar b’xahar, minn April 2022 sal-ġurnata li fiha tiġi mwieġba din il-mistoqsija parlamentari, fiex kien jikkonsisti kull rigal, kemm kien jiswa kull rigal u lil min tah.
Staqsa wkoll l-istess mistoqsija lill-Ministru Byron Camilleri responsabbli mill-Intern, is-Sigurtà u x-Xogħol; lill-Ministru għall-Finanzi Clyde Caruana, lill-Ministru Clifton Grima responsabbli mill-Edukazzjoni, l-Isport, iż-Żgħażagħ, ir-Riċerka u l-Innovazzjoni; lill-Ministru Stefan Zrinzo Azzopardi, Ministru għall-Artijiet u l-Implimentazzjoni tal-Programm Elettorali; u lill-Ministru Miriam Dalli responsabbli mill-Ambjent, l-Enerġija u l-Indafa Pubblika.
Ilkoll wieġbu li l-informazzjoni qed tinġabar jew li tweġiba tingħata f’seduta oħra.
