Chelsea kisbu rebħa ta’ 1-0 fuq Tottenham u b’hekk telgħu lura fir-raba’ post tal-klassifika fil-Premier League.
Wara taqsima mingħajr gowls, Chelsea ħarġu agressivi fit-tieni taqsima u kien Enzo Fernandez li kkonkluda b’daqqa ta’ ras tajba fuq cross ta’ Cole Palmer. Chelsea ħasbu li kabbru l-vantaġġ fis-56 minuta iżda l-gowl mill-isbaħ ta’ Moises Caicedo kien imħassar bil-VAR.
Sitwazzjoni simili ġrat 13-il minuta wara meta l-gowl ta’ Pape Matar Sarr kien imħassar bil-VAR wara li l-istess plejer wettaq foul fuq Caicedo biex rebaħ il-ballun.
