Qed nisħqu li l-politikanti għandhom jirrikonoxxu l-periklu li jinħoloq meta d-drittijiet taċ-ċittadini jkunu limitati u kif dan il-periklu jdgħajjef l-intergrita tad-demokrazija. Aħna jistħoqilna aħjar.
Hekk sostna l-Kunsill Studenti tal-Università, fejn esprima diżappunt lejn l-abozz tal-liġi 125, li se jwassal biex iċ-ċittadini jkunu restritti milli jitolbu Inkjesta Maġisterjali, deċiżjoni li bla dubju se ssarraf f’nuqqas ta’ trasparenza, kontabbiltà u daqqa fuq is-saltna tad-dritt.
Il-KSU esprimiet ukoll it-tħassib tagħha dwar kif dan l-abbozz se jkun qed jipproteġi lil dawk fil-poter, iddgħajjef id-demokrazija u tnaqqas il-fiduċja tal-poplu fl-istituzzjonijiet. Dan filwaqt li spjegaw ukoll kif dawn il-barrieri kollha ma għandhom l-ebda lok f’soċjeta demokratika.
