Il-Gvern Laburista baqa’ ma tax informazzoni fil-Parlament dwar il-pontoons fil-Port tal-Imġarr f’Għawdex.
Id-Deputat Nazzjonalista Ivan Castillo staqsa lill-Ministru għat-Trasport, l-Infrastruttura u x-Xogħlijiet Pubbliċi Chris Bonett jinforma lill-Kamra li l-ebda bastiment tas-sajd ma ġie miċħud pontoon, minn dawk li kienu maħsuba biex jiġu allokati permezz ta’ fondi tal-Unjoni Ewropea; jipprovdi informazzjoni dwar il-marka, il-mudell u n-numru tar-reġistrazzjoni tad-90 bastiment tas-sajd li qed jintużaw fid-90 pontoon ġdid li nħolqu għall-bastimenti tas-sajd; jinforma lill-Parlament jekk id-90 pontoon disponibbli għall-bastimenti tas-sajd ġewx użati fil-Port tal-Imġarr; u jgħid ukoll meta u fejn tlestew id-90 pontoon adizzjonali għall-bastimenti tas-sajd fil-Port tal-Imġarr.
Il-Ministru Chris Bonett wieġeb biss fil-Parlament li l-informazzjoni tingħata f’xi seduta oħra.
