Dam Square fiċ-ċentru ta’ Amsterdam ġiet magħluqa għal kulħadd nhar il-Ħamis wara nofsinhar wara li kien hemm splużjoni ta’ karozza qrib il-monument tal-gwerra.
Filmati wrew karozza ħamra żgħira li ssuq bil-mod lejn iż-żona pedonali, u mbad kien hemm splużjoni żgħira, f’liema punt raġel ħareġ mill-karozza bil-ħwejjeġ tiegħu bin-nar u beda jdur mal-art.
Karozza tal-pulizija li kienet sejra fl-istess direzzjoni waqfet u żewġ uffiċjali ġrew lejn il-karozza, fejn apparentement ħeġġew lin-nies li kienu marru biex jgħinu biex jersqu lura.
Il-pulizija jgħidu li s-sewwieq qabad in-nar apposta, u li hu weġġa’ fin-nar. Ir-raġel mbad ittieħed l-isptar, fejn qed jiġi kkurat għal ġrieħi serji.
Il-pulizija sostnew li hu se jiġi arrestat minħabba li qed jisuspettaw li din l-isplużjoni kienet ppjanata. Huma qalu li s-sewwieq huwa Olandiż ta’ 50 sena minn Noord Holland, u li qed jikkunsidraw suwiċidju bħala mottiv possibbli.
Iż-żona se tibqa’ magħluqa għal xi żmien sakemm issir sigura. Ħadd iżjed ma weġġa’ f’din l-isplużjoni.
Din l-isplużjoni tiġi ġimgħa biss wara li seħħet mass stabing l-istess inħawi, li fiha ġew attakkati ħames persuni. Erbgħa minnhom għadhom l-isptar.
Il-pulizija qalu li m’hemm l-ebda konnessjoni bejn dawn l-avvenimenti.
