Iċ-Ċina, il-Vjetnam, u l-Unjoni Ewropea kienu fost l-aktar li ġew milquta ħażin mit-tariffi l-ġodda tal-President Amerikan. Dan wara li Trump, ilbieraħ, ħabbar taxxi iebsin fuq l-importazzjoni ta’ prodotti li jkunu ġejjin minn barra l-Istati Uniti.
Il-mossa ta’ Donald Trump diġà ħalliet effett enormi fuq is-swieq internazzjonali.
Il-President Amerikan insista li għall-Istati Uniti din kienet il-ġurnata tal-ħelsien għall-pajjiż.
It-tariffi ta’ Trump jinkludu 20% taxxa fuq il-prodotti ġejjin mill-UE u tariffa ta’ 34% fuq dawk ġejjin miċ-Ċina. Il-prodotti mir-Renju Unit se jkunu intaxxati bir-rata ta’ 10%.
