Colin Schembri
Starlites Naxxar 65
Luxol 62
(16-20)(15-17)(18-16)(16-9)
Hibernians bdew it-triq biex jerbħu l-kampjonat tal-irġiel ta’ taħt it-23 sena b’rebħa fuq il-holders Starlites 65-62. B’diversi players li jimmilitaw ukoll fil-kampjonat tal-ewwel diviżjoni, il-partita kienet f’idejn Starlites għal ħin twil tant li huma kellhom ftit aktar minn 34 minuta fil-vantaġġ. Huma kellhom vantaġġ massimu ta’ 11 -il punt 33-22 però sofrew ir-rimonta tal-Hibs fl-aħħar sessjoni speċjalment fl-aħħar żewġ minuti u nofs. Kienu Starlites li kellhom l-aħjar bidu meta bil-punti ta’ Matthew Scerri u Luca Riolo. Hibs wieġbu bi break ta’ 8-2 bi trippla ta’ Matthew Attard u punti minn Neil Cassar u Miguel Mallia. Trippla ta’ Kai Fabri poġġiet lil Starlites minn fuq però punti minn Attard u Cassar reġgħu poġġew lil Hibs fuq quddiem fis-seba’ minuta. Fl-aħħar tlett minuti kienu biss Starlites li għamlu l-punti għal skor ta’ 16-20. Fit-tieni sessjoni, wara basket ta’ Mallia għal Hibs, Starlites għaqqdu run ta’ 13-4 u marru 11 -il punt minn fuq 33-22. Hibs wieġbu permezz ta’ Luke Attard u Stefan Simic flimkien ma’ 4 free-throws ta’ Cassar biex Starlites daħlu jistrieħu 37-31 minn fuq.
Hibs naqqsu d-distakk wara l-intervall permezz ta’ Cassar imma Starlites kellhom risposta minn Riolo bi trippla u punti ta’ K. Fabri. Hibs komplew jippersistu però t-trippli ta’ M. Fabri ħallew lil Starlites fuq quddiem. Hibs għalqu l-perjodu bi break qasir ta’ 7-2 għal skor ta’ 49-53. Fil-bidu tal-aħħar sessjoni kien hemm punti fuq kull naħa fosthom minn Cassar u L. Attard għal Hibs u Scerri, Riolo u M. Fabri għal Starlites. Starlites però waqfu jagħmlu l-punti fis-seba’ minuta u Hibs għamlu seba’ punti mingħajr risposta biex qalbu l-iskor favur tagħhom u rebħu l-partita 65-62.
Hibernians: N. Cassar 21, Z. Fenech, L. Attard 6, V. Kustodija, M. Attard 20, T. Gjurovski 2, S. Simic 8, M. Mallia 8, S. Dabic.
Starlites: K. Fabri 8, S. Aquilina 5, M. Micallef 2, A. Sammut, L. Attard, M. Fabri 20, L. Riolo 7, M. Scerri 16, A. Sultana 4, N. Sultana 2, JJ. Dimech.
Referees: Zvezdan Dobrosaviljevic, Wendell Lim, Nicky Azzopardi.
