Colin Schembri
Luxol Bolt 40
Depiro 82
(8-18)(7-21)(11-30)(14-13)
Luxol Bolt rebħu l-kampjonat tan-nisa taħt id-dsatax -il sena meta fit-tieni finali għelbu lil Depiro 82-40 wara li rebħu l-ewwel finali 87-30. Luxol għandhom futur promettenti b’dan il-grupp ta’ players li rebaħ ukoll il-kampjonat ta’ taħt it-23 sena u ħafna minnhom kienu wkoll fl-iskwadra tal-kbar li waslet sal-play-offs tal-kampjonat. Depiro wkoll għandhom team bi prospettivi sbieħ hekk kif uħud mill-players għadhom jimmilitaw fil-kampjonat ta’ taħt is-sittax –il sena li jinsab fil-finali. Luxol fetħu bl-ewwel sitt punti tal-partita bil-baskets ta’ Vanya Baldacchino flimkien ma’ Sarah u Anna Fenech Pace. Hannah Farag u Samira Deguara għamlu l-ewwel punti għal Depiro però Luxol kellhom it-trippli minn Michela Marmara u Gwenn Carabott flimkien ma’ S. Fenech Pace għal skor ta’ 8-18. Luxol komplew ikabbru l-vantaġġ hekk kif bdew it-tieni sessjoni bi break ta’ 13-0 kważi kollha minn S. Fenech Pace u baskets minn oħtha Rebecca flimkien ma’ Baldacchino. Farag waqqfithom b’basket fis-seba’ minuta qabel ma’ Luxol kellhom run oħra ta’ 8-2. Depiro għalqu l-perjodu bi trippla minn Kristie Sammut għal skor ta’ 15-39.
Wara l-intervall, Luxol fetħu b’run ta’ 15-3 fejn Baldacchino u l-aħwa Fenech Pace komplew iżidu l-punti tagħhom. Depiro kellhom risposta minn Claire Portelli u trippla ta’ Lucia Catania qabel ma Luxol għamlu run oħra ta’ 10-0 bi trippla ta’ Jada Said. Depiro għalqu bi trippla ta’ Hannah Casaletto għal skor ta’ 26-69. Fl-aħħar perjodu, l-logħob kien aktar maqsum fejn Depiro għaqqdu run ta’ 15-5 bi trippli minn Sammut u Casaletto biex għamlu l-iskor aktar rispettabli. Luxol għalqu l-partita bl-aħħar ħames punti minn Anna Fenech Pace li fi tmiem il-partita irċeviet it-trofew ta’ Champions minn idejn il-President tal-MBA Paul Sultana
Depiro: Y. Mangion 2, C. Attard, C. Portelli 2, K. Sammut 10, S. Deguara 6, R. Fenech 2, L. Catania 5, T. Mifsud, M. Borg, H. Farag 7, H. Casaletto 6, L. Nel.
Luxol: G. Carabott 3, R. Fenech Pace 6, S. Sciberras 6, M. Marmara 6, J. Said 3, E. Abela, S. Fenech Pace 25, V. Baldacchino 15, L. Bitzberger 6, A. Fenech Pace 12.
Referees: Zvezdan Dobrosaviljevic, Miguel De Flavia, Nicky Azzopardi
