Is-sewwieq ta’ Ferrari Lewis Hamilton qal li għandu 100% fiduċja fit-tim tiegħu minkejja l-bidu diffiċli dan l-istaġun. Hamilton irnexxielu jirbaħ l-isprint race fiċ-Ċina iżda ma kisibx ir-riżultati mixtieqa fil-Grand Prix ta’ Shanghai u anke dak tal-Awstralja.
Fl-aħħar Grand Prix kemm Hamilton u anke sieħbu Charles Leclerc kienu skwalifikat wara li nstabu rregolaritajiet fil-karozzi rispettivi tagħhom. Is-sewwieq Brittaniku qal li hu ma stenniex li se jkun qed jibda jirbaħ mill-ewwel Grand Prix ma’ Ferrari minħabba li għad irid jidra kemm il-kultura kif ukoll lit-tim tiegħu.
Fi tmiem din il-ġimgħa jirritorna l-Formula 1 bil-Grand Prix tal-Ġappun.
