Lokali Qorti

Mixli b’serq ta’ basket tad-ditta f’San Ġiljan

Raġel ta’ 30 sena minn Ginea Bissaw il-Ħamis kien mixli li seraq basket tad-ditta Burberry, valur ta’ €700 minn fuq persuna oħra f’San Ġiljan. Huwa wieġeb mhux ħati u nżamm arrestat. Il-Qorti preseduta mill-Maġistrat Monica Vella semgħet li fit-12 ta’ Marzu, Irlandiż irraporta l-għassa ta’ San Ġiljan u qal li safa misruq minn żewg persuni.

Mal-pulizija, l-vittma spjega li waqt li kien miexi f’Paceville, żewġ persuni serqulu basket tad-ditta Burberry valur ta’ €700 inkluż kartiera ta’  lewn kannella. L-arrest ta’ Saidui seħħ wara li l-Pulizija ddentifikatu minn filmat li ġie elevat mill-cameras tas-sigurta’ tal-akkwata. Il-persuna l-oħra ma kienitx identfikata.

L-akkuzat inżamm arrestat wara li d-difiża ddikjarat li mhux se titlob għal liberta’ proviżorja. Il-prosekuzzjoni tmexxiet mill-Ispetturi Nico Zarb u Roderick Attard flimkien mal-Avukati Clive Aquilina u Neville Galea mill-uffiċċju tal-Avukat Ġenerali L-akkużat dehret għalih l-avukat tal-għajnuna legali Nadya Fiott.