Il-Parlament Ewropew ivvota biex jipposponi d-dati tal-applikazzjoni għal liġijiet ġodda tal-UE dwar id-diliġenza dovuta u r-rekwiżiti ta’ rappurtar dwar is-sostenibbiltà.
B’531 vot favur, 69 kontra u 17-il astensjoni, il-MPE appoġġaw il-proposta tal-Kummissjoni, parti minn sforzi usa’ ta’ simplifikazzjoni mmirati lejn it-tisħiħ tal-kompetittività tal-UE.
Ir-regoli l-ġodda dwar id-diliġenza dovuta jirrikjedu li l-kumpaniji jtaffu l-impatt negattiv tagħhom fuq in-nies u l-pjaneta. L-istati membri ser ikollhom sena oħra – sas-26 ta’ Lulju 2027 – biex jittrasponu r-regoli fil-leġiżlazzjoni nazzjonali. L-estensjoni ta’ sena se tapplika wkoll għall-ewwel mewġa ta’ kumpaniji li se jiġu affettwati, jiġifieri: kumpaniji tal-UE b’aktar minn 5 000 impjegat u fatturat nett ogħla minn EUR 1.5 biljun, u kumpaniji mhux tal-UE b’fatturat fl-UE ogħla minn dan il-limitu. Dawn il-kumpaniji se jkollhom japplikaw ir-regoli biss mill-2028.
Id-data tal-applikazzjoni se tkun l-istess għat-tieni grupp ta’ kumpaniji: dawk fl-UE b’aktar minn 3 000 impjegat u fatturat nett ogħla minn EUR 900 miljun, u kumpaniji mhux tal-UE b’fatturat fl-UE ogħla minn dak il-limitu.L-applikazzjoni tad-direttiva dwar ir-rapportar dwar is-sostenibbiltà se tiddewwem ukoll b’sentejn għat-tieni u t-tielet grupp ta’ kumpaniji koperti mil-leġiżlazzjoni.
Il-kumpaniji l-kbar b’aktar minn 250 impjegat se jkunu meħtieġa jirrapportaw dwar il-miżuri soċjali u ambjentali tagħhom għall-ewwel darba fl-2028 għas-sena finanzjarja preċedenti, filwaqt li l-intrapriżi żgħar u ta’ daqs medju kkwotati fuq borża se jkollhom jipprovdu din l-informazzjoni sena wara.Il-kuntestIl-Kummissjoni Ewropea ppreżentat il-pakkett ta’ simplifikazzjoni “Omnibus I” fis-26 ta’ Frar 2025.
Flimkien mad-direttiva li ddewwem l-applikazzjoni tar-regoli dwar ir-rapportar u d-diliġenza dovuta, approvata llum mill-Parlament, il-pakkett jinkludi wkoll direttiva oħra li tbiddel il-kontenut u l-kamp ta’ applikazzjoni tar-rekwiżiti tar-rapportar dwar is-sostenibbiltà u d-diliġenza dovuta, li l-ħidma fuqha issa se tibda fil-Kumitat għall-Affarijiet Legali tal-Parlament.
Biex titħaffef l-adozzjoni tal-miżuri, it-Tlieta l-Parlament qabel li jittratta l-fajl skont il-proċedura urġenti tiegħu. Biex jidħol fis-seħħ, l-abbozz ta’ liġi issa jeħtieġ approvazzjoni formali mill-Kunsill, li approva informalment l-istess test fis-26 ta’ Marzu 2025.
L-MPE tal-PN illum ivvutaw sabiex jipposponu l-applikazzjoni tar-regoli li jimponu rappurtar fuq kumpaniji żgħar.
“Illum urejna kif il-Parlament Ewropew huwa attiv biex jirreaġġixxi favur in-negozji ż-żgħar li jagħtu sostenn vitali lill-ekonomija tagħna. It-tir tagħna huwa biex intejbu s-soċjetà filwaqt li nneħħu burokrazija żejda biex inħeġġu l-kummerċ, mhux noħonquh,” stqarr l-MEP David Casa.
“Speċjalment issa bit-tariffi tat-Trump dan huwa mument li ngħinu n-negozji għax in-negozji jridu jħaddmu n-nies. Għalhekk intervenejt fil-kumitat tas-suq intern u vvutajt fil-plenarja biex intaffu l-piżijiet tal-Kumpanniji” qal l-MEP Peter Agius.
Il-posponiment huwa parti mill-isforzi ta’ simplifikazzjoni tal-UE
L-akbar kumpaniji se jingħataw sena oħra biex iħejju għal regoli ġodda dwar id-diliġenza dovuta
Xi kumpaniji se jkollhom sentejn addizzjonali għar-rapportar dwar is-sostenibbiltà
B’531 vot favur, 69 kontra u 17-il astensjoni, il-MPE appoġġaw il-proposta tal-Kummissjoni, parti minn sforzi usa’ ta’ simplifikazzjoni mmirati lejn it-tisħiħ tal-kompetittività tal-UE.
Ir-regoli l-ġodda dwar id-diliġenza dovuta jirrikjedu li l-kumpaniji jtaffu l-impatt negattiv tagħhom fuq in-nies u l-pjaneta. L-istati membri ser ikollhom sena oħra – sas-26 ta’ Lulju 2027 – biex jittrasponu r-regoli fil-leġiżlazzjoni nazzjonali. L-estensjoni ta’ sena se tapplika wkoll għall-ewwel mewġa ta’ kumpaniji li se jiġu affettwati, jiġifieri: kumpaniji tal-UE b’aktar minn 5 000 impjegat u fatturat nett ogħla minn EUR 1.5 biljun, u kumpaniji mhux tal-UE b’fatturat fl-UE ogħla minn dan il-limitu. Dawn il-kumpaniji se jkollhom japplikaw ir-regoli biss mill-2028. Id-data tal-applikazzjoni se tkun l-istess għat-tieni grupp ta’ kumpaniji: dawk fl-UE b’aktar minn 3 000 impjegat u fatturat nett ogħla minn EUR 900 miljun, u kumpaniji mhux tal-UE b’fatturat fl-UE ogħla minn dak il-limitu.
L-applikazzjoni tad-direttiva dwar ir-rapportar dwar is-sostenibbiltà se tiddewwem ukoll b’sentejn għat-tieni u t-tielet grupp ta’ kumpaniji koperti mil-leġiżlazzjoni. Il-kumpaniji l-kbar b’aktar minn 250 impjegat se jkunu meħtieġa jirrapportaw dwar il-miżuri soċjali u ambjentali tagħhom għall-ewwel darba fl-2028 għas-sena finanzjarja preċedenti, filwaqt li l-intrapriżi żgħar u ta’ daqs medju kkwotati fuq borża se jkollhom jipprovdu din l-informazzjoni sena wara.
