Knisja Lokali

Wirja bl-isem ta’ “Ecce Homo” organizzata f’Dar Levita Martri

Fil-ġranet bejn l-10 u t-18 ta’ April se tkun qed tiġi organizzata wirja bl-isem ta’ “Ecce Homo” f’Dar Levita Martri. Din is-sena ser tkun edizzjoni speċjali taħt il-kappa tal-Ġublew tat-Tama u l-1800 sena mit-Twelid ta’ San Lawrenz.

Matul il-ġimgħa l-wirja se tkun miftuħa mill-5:30pm sad-9pm. F’Ħadd il-Palm se tkun miftuħa mill-10am sal-12pm. F’Ħamis ix-Xirka se tkun miftuħa mill-10am sal-12pm u mbagħad mill-5:30pm sa nofsillejl. Fil-Ġimgħa l-Kbira l-wirja se tkun miftuħa mid-9:30am sas-1pm u mill-4:30pm sad-9:30pm.

F’din il-wirja se jkun hemm:

  • Sett Vari ta’ Joseph Cutajar Zahra, proprjetà ta’ Louis Xuereb. Din is-sena, minn dan is-sett ser titbierek u tiżżanżan il-Vara l-Kbira.
  • Sett minjatura ta’ Statwi tat-tafal antiki xogħol ta’ Anthony Farrugia.
  • Redentur u Duluri ta’ Spanja, propjeta ta’ Terence Zarb.
  • Xena lifesize tal-Ecce Homo maħduma minni u minn Ramon Camilleri Mc.Kay.
  • Kurċifiss maħdum mill-iskultur Darren Spiteri.
  • Golgotha, xogħol ta’ Fardell taż-Żejtun, proprjetà ta’ Clayton Agius.
  • L-istatwa devota ta’ San Lawrenz li tkun fil-post permanenti ser tkun waslet lura minn intervent ta’ restawr filwaqt li ser jiżżanżnu palma u raġġiera għal kuljum.