“Tibbanalizzax!”
Kien dan l-attakk li għamel il-Ministru tat-Traffiku Chris Bonett fuq il-preżentatur Andrew Azzopardi meta ġie mistoqsi fejn spiċċat il-proposta tal-metro. Bil-Ministru Chris Bonett iħossu dahru mal-ħajt meta affaċjat bir-realtà li l-Gvern ħalla din il-wegħda fuq l-ixkaffa – minkejja l-pompa kollha ta’ qabel l-elezzjoni ġenerali.
Fuq l-istazzjon RTK, Chris Bonett qal li fadal 10 snin jew 15-il sena oħra biex titwettaq miżura għat-trasport tal-massa.
Hu qal li se jirrevedi l-pjan li kien ġie preżentat qabel l-elezzjoni. U insista li għadu jrid jara x’se jsir. “Jista’ jkun isir”, qal Bonett.
Fl-istess programm, il-Ministru qal li l-Gvern – f’dan is-suppost pjan – ġabar il-proposti kollha li saru fl-aħħar 10 snin.
