In-numru ta’ mejtin mit-terremot qawwi li laqgħat Myanmar ix-xahar li għadda tela’ għal aktar minn 3,300 persuna, hekk kif il-Kap tal-Għajnuna tan-Nazzjonijiet Uniti wettaq sejħa ġdida lill-komunità internazzjonali biex tassisti lil din in-nazzjon milqut mill-kriżi.
It-terremot ta’ kobor ta’ 7.7 fuq l-Iskala Richter li laqat il-pajjiż fix-Xlokk tal-Asja fil-28 ta’ Marzu, ikkawża 3,354 imwiet u 4,508 midruba, filwaqt li 220 persuna oħra għadhom neqsin.
L-ogħla uffiċjal tal-għajnuna tan-Nazzjonijiet Uniti ltaqa’ ma’ vittmi fil-belt ta’ Mandalay fiċ-ċentru tal-Myanmar, viċin ħafna tal-epiċentru li bħalissa qed jaffaċċja ħsarat kbar, u ddeskriva l-qerda bħala sorprendenti u kbira, filwaqt li fuq il-media soċjali sostna li d-dinja trid tingħaqad wara l-poplu tal-Myanmar.
