Għal sena oħra Miguel Mifsud qed jagħmel maratona b’risq il-Caritas, din id-darba ta’ 160km fit-trakka tal-Mediterranean College of Sport. Hu beda din l-isfida fil-11am fil-5 t’April, u mistennija ddum madwar 24 siegħa. Ftit minuti biss qabel beda din l-isfida, Miguel u t-tim tiegħu qalu talba flimkien, u għamlu minuta silenzju b’memorja għal Monsinjur Victor Grech.
Miguel qed jagħmel dawn il-ġirjiet b’risq il-Caritas minħabba li fil-passat hu kien għamel żmien ta’ riabilitazzjoni fiċ-Ċentru Terapewtiku ta’ San Blas biex jikseb ħajtu lura minn dipendenza ta’ numbru ta’ snin fuq sustanza.
Miguel Mifsud spejga dan f’kumment ma’ Net News ftit qabel ma beda l-isfida tiegħu.
Miguel spjega magħna wkoll għala ddeċieda li din is-sena jagħmel it-tellieqa f’trakka minflok barra bħas-sena l-oħra.
Hu temm il-kumment tiegħu magħna billi għamel appell lil dawk li bħalissa qegħdin ibatu bħal ma kien qed ibati hu sabiex huma ma jaqtaw qalbhom qatt.
