F’Goodison Park draw ta’ 1-1 bejn Everton u Arsenal. Għal Arsenal Mikel Arteta wettaq diversi tibdiliet ghall-ewwel ħdax minħabba l-konfront importanti li għandhom nhar it-Tlieta kontra Real Madrid, fil-kwarti finali tal-UEFA Champions League. Minkejja dan kienu proprju l-Gunners li marru fil-vantaġġ meta fl-34 minuta Raheem Sterling għadda lejn Leandro Trossard li b’xutt fil-baxx għeleb lil Jordan Pickford għal 1-0. Minkejja l-kontroll ta’ Arsenal Everton ingħataw penalty fid-49 minuta wara li Myles Lewis-Skelly deher iwaqqa’ lil Jack Harrison fil-kaxxa, fost protesti tal-plejers ta’ Arsenal, hekk wara r-repetizzjoni deher li l-foul kien barra l-kaxxa. Mill-ħdax-il metru Iliman Ndiaye ma żbaljax għal skor finali ta’ 1-1.
Intant f’Villa Park rebħa importanti għal Aston Villa fuq Nottingham Forest biex qawwew it-tamiet tagħhom li jiksbu post fl-Ewropa. Kien Morgan Rodgersu li poġġihom fil-vantapġġ qabel irdoppjaw Donyell Malen.
Illum: Everton v Arsenal 1-1, C’Palace v Brighton 2-1, Ipswich T. v Wolves 1-2, West Ham v B’Mouth 2-2, Aston Villa v Nott. Forest 2-1
Għada: Brentford v Chelsea 3.00pm, Fulham v Liverpool 3.00pm, Spurs v Southampton 3.00pm, Man Utd v Man City 5.30pm
It-Tnejn: Leicester v Newcastle 9.00pm
Il-gowl ta’ Nott Forest wasal permezz ta’ Silva.
