“Anke jekk jintlaħaq ftehim…aħna spiċċajna vittmi għax qiegħdin f’sitwazzjoni ta’ stress kbir, il-Gvern ma tax kasna.”
Sostna dan student tal-MCAST li tkellem ma Net News dwar kif is-sitwazzjoni preżenti fl-MCAST hi prejokkupanti ferm – bl-istudenti spiċċaw bi stress kbir minħabba li spiċċaw iżolati wara li l-Gvern baqa’ jwebbes rasu mal-Letturi tal-MCAST rigward ftehim kolletiv kif jixraq.
Dan l-istudent li tkellem magħna saħaq kif spiċċaw f’sitwazzjoni fejn issa qed ikollhom ix-xogħol kollu f’daqqa – b’xogħol u assignments tal-ewwel semester li spiċċaw jaħbtu ma’ xogħol li jrid isir għat-tieni semester. Dan b’detrement qawwi fuq is-saħħa mentali tal-istess studenti.
Intant hu kompla jispjega dwar kif l-istudenti spiċċaw vittma f’dan kollu. Hu saħaqnsitra jiddeskrivi s-sitwazzjoni fl-MCAST bħala waħda mħawda – bl-istudenti minflok bil-ħinijiet allokati għall-istudju spiċċaw bl-eżamijiet f’nofs ġranet imballati bil-lectures.
B’riżultat li ħafna studenti spiċċaw f’sitwazzjoni fejn lanqas biss għandhom ċans jistudjaw u jlestu l-assignments meħtieġa – bl-istudent jisħaq magħna li bosta studenti fl-MCAST, din is-sena, spiċċaw f’sitwazzjoni fejn qed jaqgħtu qalbhom mill-vjaġġ akkademiku tagħhom. Saħansitra b’uħud mill-istudenti spiċċaw waqqgħu l-kors tagħhom u temmu’ l-istudji minħabba din is-sitwazzjoni.
Min naħa tiegħu hu rringrazzja lil-letturi tal-għajnuna li qed jipprovdu anke minħabba li dan l-istress bil-baraxx ta’ xogħol f’daqqa, qed ibgħatuh ukoll il-letturi mal-istudenti. Dan minħabba Gvern li xxaħħaħ mal-Letturi u tawwal kemm felaħ dan il-proċess filwaqt li abbanduna għal kollox l-interessi tal-istudenti tal-MCAST.
Hu għalaq billi appella lil Gvern sabiex jgħati widen lill-istudenti, li jsir jew ma jsirx il-ftehim mal-letturi, spiċċaw vittma f’dan kollu – b’detrement għall-futur u s-saħħa mentali tagħhom.
