Żagħżugħ ta’ 28 sena li allegatament daħal fid-dar tan-nanna anzjana tiegħu, imbottaha fuq is-sodda u għamel ħsara lill-għamara tagħha, fejn kisser diversi oġġetti. Ir-raġel, minn Birżebbuġa tressaq il-Qorti l-Ġimgħa wara li ommu u nannu ppreżentaw rapport tal-pulizija fit-Taqsima tal-Vjolenza Domestika fid-9 ta’ April.
Huwa ċaħad akkużi li insulenta lin-nanna tiegħu, li daħal f’darha u li għamel ħsara fil-proprjetà tagħha. Huwa ċaħad ukoll akkużi ta’ ksur tal-paċi pubblika, ksur ta’ sett ta’ kundizzjonijiet ta’ pleġġ u reċidiva. L-ispettur tal-Pulizija Audrey Micallef spjegat lill-Qorti kif in-nanna kienet irċeviet telefonata mill-linja fissa tagħha, bin-neputi tagħha jkun dak li qed iċempel.
Dak il-ħin li seħħ dan kollu hi kienet l-isptar iżur ħabiba u meta l-akkużat kien mistoqsi għaliex kien fir-residenza tagħha, huwa allegatament wieġeb li kien daħal fl-appartament tagħha. Meta l-anzjana marret lura d-dar tagħha, ir-raġel imbottaha fuq is-sodda u kisser xi għamara, inkluż lampshades.
Imbagħad talabha biex issuqu sa Ħal Qormi, u li hi hekk għamlet, u fi triqitha, ir-raġel allegatament qabad il-mowbajl tagħha u tefaw mit-tieqa l-barra. Hija waqqfet il-karozza u ħadet iċ-ċwievet, u għalhekk hu ma setax isuq, u talbet lil terza persuna biex takkumpanjaha sal-għassa tal-pulizija.
Omm l-akkużat qalet lill-pulizija li hu kissrilha l-mowbajl aktar kmieni dakinhar. Ir-raġel kien akkużat ukoll li għamel ħsara fil-mowbajls ta’ nanntu u ommu, it-telefon, fann, il-bieb tal-appartament u l-bieb prinċipali tal-blokk tal-appartamenti.
Ir-raġel wieġeb mhux ħati. Talba għal ordni ta’ protezzjoni ġiet milqugħa mill-qorti. Ir-raġel inżamm arrestat. Il-Qorti kienet ippreseduta mill-Maġistrat Noel Bartolo. L-ispettur Audrey Micallef mexxiet il-prosekuzzjoni. L-avukat tal-għajnuna legali Martin Farrugia assista lill-akkużat.
