Il-Qorti waqfet l-aħħar żewġ appelli mressqa mill-Avukat Jason Azzopardi, li kien talab għal inkjesta maġisterjali dwar il-Ministru t’Għawdex Clint Camilleri dwar pixxina u l-proġett ta’ triq fin-Nadur, li t-tnejn li huma qabżu l-baġit.
L-Imħallef Aaron Bugeja qal li qed jastjeni milli jieħu deċiżjoni fuq iż-żewġ appelli peress li r-riforma tal-inkjesta maġisterjali żammitu milli jiddeċiedi. Ir-riforma kontroversjali, li saret liġi l-ġimgħa l-oħra, tinkludi dispożizzjoni li tgħid li, fejn tidħol kull talba li tkun għaddejja għal inkjesta maġisterjali, “il-Maġistrat jew il-Qorti Kriminali trid tastjeni milli tkompli tittratta t-talba għal inkjesta”.
Skont il-liġi l-ġdida, in-nies ma jistgħux jibqgħu jitolbu direttament maġistrat biex jiftaħ inkjesta. Minflok, l-ewwel iridu jersqu lejn il-pulizija. Jekk il-pulizija ma tieħdux azzjoni, i żmien sitt xhur wara jistgħu jieħdu l-każ tagħhom quddiem imħallef, li jiddeċiedi jekk investigazzjoni hijiex iġġustifikata.
Fid-digriet tiegħu tal-qorti, l-imħallef spjega li minħabba li l-każ beda qabel ma ġiet promulgata l-liġi l-ġdida, u deċiżjoni kienet għadha pendenti, u għalhekk qed jastjeni milli jiddeċiedi dwarha. Id-deċiżjoni ttieħdet għal żewġ appelli: wieħed li talab investigazzjoni dwar Camilleri u s-Segretarju Permanenti ta’ Għawdex John Borg.
Dan fuq proġett ta’ pixxina li mar €17-il miljun fuq mil-baġit u ieħor li jfittex investigazzjoni dwar Camilleri, Borg, u l-perit Godwin Agius fuq proġett ta’ triq tan-Nadur li qabeż il-baġit b’€10.5 miljun. Din id-deċiżjoni waslet wara li l-Imħallef Consuelo Scerri Herrera astjenet ukoll milli tiddeċiedi fuq appell ieħor li Azzopardi ressaq biex jinvestiga lill-ministru fuq allegat “racket” fl-allokazzjoni ta’ postijiet ta’ rmiġġ fil-port tal-Imġarr.
L-avukat Azzopardi kien wiegħed li kien se jressaq każ kostituzzjonali fejn sostna li d-drittijiet fundamentali tiegħu nkisru ladarba l-appelli kollha tiegħu fuq Camilleri effettivament jieqfu. Huwa kien ressaq it-tliet appelli wara li l-Maġistrat Brigette Sultana irrifjutat li tinvestiga t-tliet każijiet.
