Se jkunu Luxol FC Futsal u Swieqi United li se jikkontestaw il-finali tal-Maltese Cross Futsal Cup meta rebħu s-semifinali rispettiva tagħhom.
Luxol FC għelbu lil Marsaskala Futsal 8-1 f’logħba li huma setgħu jamminstraw sew.
Luis Henrique skorja tripletta, Andre Ciancio kie awtur ta’ doppjetta filwaqt li awtogowl ta’ Amir Ashtiyani, Jefferson Breno u Jhon Anderson Castro għaqqdu l-iskor għat-tim tagħhom.
Amir Ashtiyani patta tal-awtogowl li għamel billi skorja l-gowl ta’ konsolazzjoni għal Marsaskala.
Referees kienu Danilo Francalanza u Matthias Buttigieg.
F’logħba ferm interessanti, Swieqi United għelbu lil Ħamrun SC Futsal 4-2.
Wara li sabu ruħhom minn taħt għalkemm stabbilixxew vantaġġ ta’ 2-1 sa tmiem l-ewwel taqsima, Swieqi baqgħu iżommu l-konsistenza għalkemm Ħamrun qatt ma ċedew pulzier u dejjem kienu viċin l-avversarji għalkemm dan kollu ma kienx biżżejjed.
Javier Alexander Sanchez skorja doppjetta għal Swieqi b’Rodrigo Rocha u Luca Felice li żiedu iktar gowls għat-tim tagħhom.
Juan David Bautista Conde u Gia Nikvashvili żammew lil Ħamrun fil-logħba.
Referees kienu Danilo Francalanza u Marco La Rosa.
Il-finali bejn Luxol u Swieqi tintlagħab nhar is-Sibt li ġej fis-6pm fil-Padiljun tal-Iskola Nazzjonali tal-Isport f’Pembroke.
