Il-Komunità ta’ Birżebbuġa ssellem il-memorja ta’ Steven Farrugia
“Sal-bieraħ stess Steve kien għadu qed jidderieġi u jieħu sehem fir-rapreżentazzjoni tal-Id Imdemmija…strieħ fis-sliem għażiż tagħna, San Pietru jilqgħek fi ħdanu”
Il-Purċissjoni bil-vara ta’ Kristu Rxoxt imtella’ mis-Soċjetà Filarmonika San Pietru Banda Birżebbuġa A.D. 1990 ġiet imħassra wara li l-komunità ta’ Birżebbuġa qed issellem il-memorja ta’ Steven Farrugia.
Persuna li huwa sinonimu ma’ dan iż-żmien tas-sena fir-raħal ta’ Birżebbuġa – anke minħabba li ta’ kull sena kien jidderieġi, jikteb u jirreċta fid-dramm tal-passjoni imtella’ mill-istess Soċjetà Filarmonika.
Fil-fatt il-komunità ta’ Bireżebbuġa propju f’jum il-Ġimgħa l-Kbira qamet għall-aħbar kera’ li Steven Farrugia kien ħalla din id-dinja.
Madanakollu dan il-bniedem għażiż għar-Raħal ta’ Birżebbuġa ser jibqa’ żgur fil-memorja ta’ bosta, tant li sa din il-Ġimgħa stess kien qed jgħati prestazzjoniji impekkabli fid-dramm tal-passjoni li jsir ta’ kull sena. Bih bħala kittieb, direttur u attur.
Intant il-Festi esterni bil-purċissjoni bil-vara ta’ Kristu Rxoxt ser ikunu qiegħdin jiġu imħassra b’turija ta’ rispett lejn Steven Farrugia li tant kien jgħożż dawn iż-żminijiet tas-sena.
Il-Funeral isir nhar it-Tlieta 22 ta’ April fis-2:30pm fil-Knisja Parrokjali ta’ San Pietru fil-Ktajjen f’Birżebbuġa.
Birżebbuġa tirringrazzjak u ssellimlek għażiż Steve.
