Papa li kien imur ft-tarf tas-soċjeta, għaliex il-ħidma tiegħu kienet li jiġbed in-nies u jpoġġihom fiċ-ċentru. Kien bniedem li jmur f’postijiet fejn l-ebda Papa qatt ma mar. Kien il-Papa tan-nagħġa l-mitlufa.
Dan kien il-Papa Franġisku li anka f’Malta stess mhux biss żar il-knejjes imma mar Ħal Far jiltaqa mal-Immigranti.
Kien dan il-mod li bih iddeskriva lill-Papa Franġisku Fr Anton Damato li kellu l-opportinita li jassisti lil Papa matul iż-żjara tiegħu f’Malta fl-2022.
Waqt il-programm Net Live, anke Parti Aaron Zahra qasam l-esperjenza tiegħu mal-Papa Frangisku, wara li iltaqgħa mal-Papa erba’ darbiet.
Liema emozzjoni ta’ familjarita esperjenzagħha wkoll Fr Anton Damato.
Minn naħa tiegħu Fr Jean Claude Schembri tkellem dwar l-esperjenzi li hu kellu mal-Papa meta tela’ l-Vatikan bl-abbatini, fejn il-Papa kien jieħu l-ħin biex ikellem lil kull wieħed minnhom.
Fl-aħħar jiem, ħafna semmew kif id-dinja kellha bżonn il-Papa Franġisku.
Dan kien Papa li se jibqa’ wkoll imsemmi għat-tibdil li ġab fl-istrutturi tal-Knisja.
