Ftit tas-siegħat wara l-mewt tal-Papa Franġisku, il-Vatikan ħabbar li se jkun qed jippostponi l-kanonizzazjoni ta’ Carlo Acutis li kienet skedata għal nhar il-Ħadd li ġej.
Aktar minn 80,000 żagħżugħ kienu mistenija jinġabru f’Ruma għaċ-ċelebrazzjoni tal-Ġublew taż-żgħażagħ. Iżda filwaqt li s-Santa Sede ppostponiet il-Kanonizzazjoni ta’ Carlo Acutis, il-Ġubilew taż-Żgħażagħ se jkun qed isir kif pjanat; b’tibdil minimu.
Carlo Acutis kien miet kaġun ta’ leukemia f-2006 fl-eta ta’ 15-il sena; żagħżugħ li kellu devozzjoni kbira lejn il-preżenza reali ta’ Ġesu fl-Ewkaristija. Acutis huwa wkoll l-ewwel żagħżugħ minn dan il-millenju li se jkun dikjarat Qaddis.
Hu kien twieled fl-1991 f’Londra u għex f’Milan.
U wara li fl-eta ta’ 7 snin irċieva l-ewwel tqarbina … ta’ kuljum baqa’ jattendi l-quddies.
Id-devozzzjoni tiegħu kienet ta’ ispirazzjoni biex il-ġenituri tiegħu iduru lejn ir-reliġjon kattolika u biex il-koppja tikkonverti u titgħammed.
Madwar id-dinja teżisti devozzjoni kbira lejn dan il-Beatu żagħżugħ – devozzjoni li infirxet sew anke f’Malta.
