Is-Surġent Jonathan Attard li ħadem mal-Brigadier Maurice Calleja qal li ġew sparati sitt tiri lejn l-Avukat Carmel Chicop li mhux kollha laqtuh. Kienu erba’ tiri li laqtuh u dawn kienu il-fuq mill-qagħad fin-naħa ta’ quddiem u ta’ wara. Dawn ikkawżawlu diversi feriti li wasslu għal mewt tiegħu.
Dr. Carmel Chircop ta’ 51 sena nstab mimdud f’għadira demm wara li ntlaqat minn erba’ tiri f’dahru u f’sidru f’kumpless ta’ garaxxijiet b’ħafna sulari qrib l-iskola primarja ta’ Birkirkara. Huwa kien inqatel f’Ottubru tal-2015.
Huwa nqatel fl-għodwa tat-8 ta’ Ottubru 2015 waqt li kien miexi lejn il-kumpless tal-garaxx ta’ Birkirkara, fejn miet kawża ta’ erba’ tiri f’parti ta’ fuq ta’ ġismu. Huwa nqatel permezz ta’ revolver u nstabu ukoll tiri oħra u f’distanza ta’ madwar żewġ metri.
Dan ħareġ hekk kif fis-sessjoni tat-Tlieta filgħodu is-Surġent Attard li huwa espert ballistiku beda jixhed fuq il-każ tal-qtil tal-Avukat Carmel Chircop. Dan fil-ġuri ta’ erba’ rġiel akkużati bl-involviment fil-qtil tal-ġurnalista Daphne Caruana Galizia u l-avukat Carmel Chircop, liema ġuri daħal fil-11-il jum tiegħu.
L-aħwa Adrian u Robert Agius, magħrufa aħjar bħala Tal-Maksar, flimkien ma’ Jamie Vella u George qed jiġu valutati minn ġurija ta’ disa’ persuni magħmula minn sitt irġiel u tliet nisa, fi proċess li għandu jisma’ iktar xhieda ta’ profil għoli, inkluż eks ministru.
L-akkużati qed jiffaċċjaw sentenza ta’ għomor il-ħabs jekk jinstabu ħatja. Robert Agius u Vella huma akkużati li allegatament ipprovdew il-bomba użata biex qatlet lil Daphne Caruana Galizia f’Ottubru 2017. Degiorgio, flimkien ma’ ħuh Alfred, diġà qed jiskonta sentenza ta’ 40 sena ħabs wara li ammetta li poġġa l-bomba taħt il-karozza ta’ Caruana Galizia u li attivaha barra d-dar tal-ġurnalista fil-Bidnija.
Adrian Agius huwa akkużat li kkummissjona l-attakk ta’ Ottubru 2015 fuq l-avukat Carmel Chircop, li l-prosekuturi jallegaw li twettaq bil-kompliċità ta’ ħuh Robert, flimkien ma’ Vella u Degiorgio. L-erba’ rġiel kollha jiċħdu l-akkużi.
is-Surġent Jonathan Attard qal li huwa pprepara rapport mal-Brigadier Maurice Calleja, illum mejjet wara li esperti ballistiċi marru fil-garaxx fejn inqatel Chircop. Wara eżamijiet ħareġ li ġew sparati sitt tiri. Waħda laqtet il-bieb tal-garaxx u waħda laqtet karozza Mercedes u li dawn ġew sparati minn barra l-garaxx.
Mal bieba tal-karozza kien hemm toqba li saret minn tir viċin il-bonnet. Il-bieba tal-garaxx kienet kemm xejn miftuħa. Instab ukoll tir taħt il-liċenzja tal-karozza. Ix-xhud qal ukoll li t-team mar fil-kamra mortwarja tal-isptar Mater Dei. L-Avukat kellu tliet feriti b’kollox fuq in-naħa ta’ wara ta’ jdejh u f’dahru. Fil-garaxx instabu xi bullets ma’ l-art.
L-Ispettur Paul Camilleri llum rtirat u dak iż-żmien kien Surġent qal li kien nfurmati bil-qtil tal-Avukat Carmel Chircop u kellu x’jaqsam mal-katavru fejn ħa xi ritratti fil-kamra mortwarja u anke ħa ritratti tal-awtospja. U eleva l-ħwejjeġ tal-vittma u biċċiet mid-dwiefer tiegħu. Il-ġurati ġew murija r-ritratti li ħa x-xhud.
Xehed l-Ispettur Shawn Pawney kien qed jassisti lill-iskwdra tal-omiċidji wara li Vincent Muscat il-Koħħu kien qed jitkellem fuq il-qtil ta’ Carmel Chircop fejn kien qed isir patteġġament fuq il-każ ta’ Daphne Caruana Galizija. Wara kienu assenjat permezz ta’ teams differenti fejn kien implika lill-akkużati fuq il-każ.
Fit-23 ta’ Frar 2021 kienu ltaqgħu Ta’ Kandja fejn ix-xhud qal li kellu team u inħarġu mandati għal Adrian Agius, George Degiorgio flimkien ma’ Jamie Vella u Robert Agius, implikati fuq iż-żewġ każijiet. It-team marru jarrestaw lil dawn il-persuni, imma mhux lil Degiorgio għax dak kien diġa l-ħabs. Għaldaqstant il-Pulizija għamlu tliet teams biex arrestaw it-tliet akkużati.
Ix-xhud qal li trab fin bil-lewn kannella ċar li nstab f’karozza li kien qed juża Adrian Agius, wieħed mill-aħwa ta’ Maksar, irriżulta li kienet taħlita ta’ paracetamol u kaffeina. Tali taħlita tintuża biex titħallat mal-eroina. Minn aktar stħarriġ irriżulta li l-karozza kienet ta’ mara li ma kellhiex x’taqsam mal-każ. Fuq mistoqsija ta’ wieħed mill-ġurati, x-xhud qal li huwa ħadem biss fuq l-arrest ta’ Adrian Agius.
Hawn fuq mistoqsija tad-difiża l-Ispettur Pawney qal li minn aktar investigazzjonijiet irriżulta li l-karozza kienet fil-fatt irreġistrata fuq Josephine Bugeja, iżda ma kien hemm l-ebda relazzjoni bejn it-tnejn. Jgħid lill-qorti b’oġġetti oħra maqbuda mill-karozza ta’ Agius. Instabu borża sewda b’mowbajl Samsung, €3,000 fi flus kontanti u d-dokumenti personali tal-akkużat.
Surġent tal-pulizija xehed ukoll dwar l-arrest ta’ Adrian Agius, u t-tfittxijiet li saru fuq il-vettura Seat li kien qed juża u r-residenza tiegħu. Qal li Adrian Agius waqt l-arrest kien kalm u ħareġ bil-kwiet mill-karrozza u kkopera bis-sħiħ mal-Pulizija.
L-Ispettur Lydon Zammit qal li hu kien ħareġ mandat ta’ arrest għal Jamie Vella fit-23 ta’ Frar, 2021 meta kien fis-CID (dipartiment tal-investigazzjoni kriminali) fil-każ ta’ qtil ta’ Daphne Caruana Galizia u anke dwar il-qtil tal-Avukat Carmel Chircop. Meta mar fis-Swieqi fejn kien joqgħod kif fi żmien il-pandemija tal-Covid.
Saret tfittxija fir-residenza li hija magħmulha minn tliet sulari. Miegħu fir-residenza kien hemm it-tfajla tiegħu u għalhekk ix-xhud qal li kien ordni li t-tfittxija fil-kamra tagħha issir minn Pulizija mara. Fil-basement kien hemm erba’ karozzi li kienu Volvo, Mercedes, BMW u Citroen. Fil-persuni tiegħu kellu 70 ewro u li ma nstab xejn li huwa dubjuż.
Fuq mistoqsija tad-difiża ix-xhud qal li miegħu kienet hemm disa’ membri tal-Korp tal-Pulizija minn sezzjonijiet differenti. Fuq mistoqsija oħra tad-difiża l-Ispettur Zammit qal li hu ma vverifikax lil min kienu jgħajjtu l-erba’ karfozzi.
Wara xehdet l-Ispettur Sherona Buhagiar li qalet li fit-23 ta’ Frar kienet ingħatat struzzjonijiet biex tmur għand Jamie Vella li dak il-ħin kien taħt arrest. Kienet hi li wettqet it-tfittxija li sabet żewġ kaxxi tal-Ipad u Iphone vojta u Iphone Gold, Qalet ukoll li hi ma sabet xejn dubjuż waqt it-tfittxija tagħha.
Xehed ukoll kuntistabbli tal-Pulizija li qal li mat-team li kien qed ifittex fir-residenza ta’ Jamie Vella hu nstabu ħames mobajls fil-kċina, ħamsa oħra kif tidħol fir-residenza fuq xi għamara. Instabu wkoll xi dokumenti fosthom passaporti. Fuq il-persuna tiegħu kellu ċavetta tal-karozza Volvo, l-karozzi l-oħrajn kellhom iċ-ċavetta fl-ignition.
Ix-xhud qal li waqt l-arrest ingħataw id-drittijiet lil Jamie Vella bil-komportament tiegħu jkun fejn qalilna li kellu l-Covid dak il-ħin. Huwa kien ippremtalhom karta li kienet tgħid li kien pożittiv għal Covid. Anke l-kuntistabbli qal li ma kienx jaf li jekk ir-residenza li marru jfittxu fiha kienet ta’ Jamie Vella.
Mistoqsi mid-difiża jekk il-mobajls li nstabu kienu jaħdmu jew imkissrin, ix-xhud qal li huwa ma ċċekkjaħhomx. Wara xehed Surġent tal-Pulizija li kien parti mit-team tal-Ispettur Lydon Zammit li marru jagħmlu t-tfittxija fir-residenza ta’ Jamie Pace.
Ix-xhud qal li meta wettqu l-mandati tal-arrest fil-konfront ta’ Jamie Vella, dan il-qalilhom, “kont qed nistennikhom għax naf li kien hemm min ‘pat pat’ (parla). Ix-xhud li fil-kamra tal-bejt instabu xi flus li kien liri sterlini u xi mobajls fil-kċina u fl-entrata.
L-Avukat Amadeus Cachia li qed jidher għal Jamie Vella staqsa lix-xhud għaliex fil-kumpilazzjoni u fin-notamenti tiegħu qatt ma semma’ li Jamie Vella qallu li kien jaf min kien qed iparla. L-Avukat qara lix-xhud x’kien xehed fil-kumpilazzjoni. Ix-xhud ma tagħax spjegazzjoni dwar dan il-fatt.
L-Imħallef Edwina Grima staqsitu jekk kienx ċert li Jamie Vella qallu dan id-diskors. Il-kuntistabbli ikkonferma li iva dak kien li qallu Jamie Vella.
L-Imħallef Edwina Grima qed tippresiedi l-ġuri. Il-prosekuzzjoni qed titmexxa mill-avukati mill-Uffiċċju tal-Avukat Ġenerali Godwin Cini, Danika Vella u Anthony Vella. Jamie Vella qed jiġi assistit mill-avukati Ishmael Psaila u Amadeus Cachia. Robert Agius qed jiġi assistit mill-avukati Alfred Abela u Rene Darmanin. Adrian Agius qed jiġi rappreżentat mill-avukat Nicholas Mifsud. George Degiorgio qed jiġi assistit mill-avukati Noel Bianco u Leslie Cuschieri.
Il-familja Caruana Galizia hija rappreżentata mill-avukati Jason Azzopardi u Therese Comodini Cachia. Il-familja Chircop hija rappreżentata mill-avukat Vincent Galea.
