Skont ir-Russja, l-Ukrajna attakkat lil Moska għat-tieni lejl konsekuttiv permezz tad-drones, u b’hekk l-ajruporti kollha ta’ Moska kellhom jagħlqu għal diversi sigħat għal raġunijiet ta’ sigurtà.
Is-Sindku ta’ Moska, Sergei Sobyanin, qal li tal-inqas 19-il drone Ukren kienu meqruda qabel ma waslu fil-belt, u minkejja li waqa’ xi debris ħadd ma weġġa’.
Min-naħa tagħha l-Urajna għadha ma kkummentatx dwar dawn l-attakki però, is-Sindku ta’ Karkhiv qal li r-Russja wkoll wetqet xi attakki fuq Kharkiv u fuq Kyiv matul illejl. Bil-Gvernatur tar-reġjun ta’ Odesa, Oleh Kiper, jgħid li persuna tilfet ħajjitha f’dawn l-attakki.
