Lokali

Il-Kummissjoni Piroteknika Santa Katerina VM ta’ Żejtun huma r-rebbieħa tal-Festival tan-Nar tal-Art Mekkanizzat

Il-Kunsill Lokali tal-Floriana ħabbar ir-rebbieħa tas-sittax-il edizzjoni tal-Festival Nazzjonali tal-Loghob tan-Nar tal-Art Mekkanizzat.

Dawn kienu:

  • Kategorija A – l-aħjar Mekkanizzmu ntrebaħ mill-Għaqda Mużikali Marija Bambina, Banda Vittorja, Naxxar
  • Kategorija B – l-aħjar Prodotti ntrebaħ mill-Kummissjoni Piroteknika Santa Katerina VM, Banda Żejtun
  • Kategorija Ċ –  l-aħjar Esibizzjoni Oriġinali ntrebħet mill-Kummissjoni Piroteknika Santa Katerina VM, Banda Żejtun

Il-Kummissjoni Piroteknika Santa Katerina VM, Banda Zejtun rebħet żewg kategoriji, u awtomatikament ġiet dikjarata r-rebbieħa tal-Festival.

Il-ġurija kienet magħmula minn 3 esperti fil-piroteknika,  2 barranin u Malti, filwaqt li ċ-Chairperson tal-ġurija kien Stanley Azzopardi, Membru fl-Għaqda Piroteknika Maltija.

Għall-ewwel darba wkoll, ingħata l-iSportsmanship Award, għal dik il-Kamra tan-Nar li f’dan l-ambjent kompetittiv uriet l-iktar spirtu ta’ kollaborazzjoni u fraternita mal-kompetituri l-oħra. Dan ingħata wkoll lill-Kummissjoni Piroteknika Santa Katerina VM, Banda Zejtun.

Is-Sindku tal-Floriana, Nigel Holland,ippreżenta l-premijiet lir-rebbieħa.

Dan il-Festival huwa organizzat mill-Kunsill Lokali Floriana bl-għajnuna loġistika tal-Awtorita Maltija għat-Turiżmu.