L-aħħar end user report ippubblikat mill-Awtorità Maltija tal-Komunikazzjoni (MCA) jenfasizza l-istandards għoljin kontinwi ta’ customer care li qed tipprovdi Melita.
Filwaqt li r-rapport, li jkopri minn Ġunju sa Diċembru 2024, innota xejriet pożittivi fil-fornituri kollha, Melita kienet l-unika kumpanija tat-telekomunikazzjoni li wieġbet aktar minn 90 fil-mija tat-telefonati tal-klijenti fi żmien żewġ minuti. Dan poġġa lil Melita mill-inqas ħames punti perċentwali qabel il-fornituri l-oħra kollha, ibbażati fuq aktar minn 1,000 test call.
Ir-rapport tal-MCA wera wkoll li Melita rċeviet l-inqas numru ta’ ilmenti mingħand il-klijenti — 11 biss b’kollox — ekwivalenti għal inqas minn 0.00 fil-mija tal-klijentela ta’ Melita.
Graziella Costa, Head of Customer Experience ta’ Melita Limited, qalet: “L-istudju tal-MCA huwa eżerċizzju tassew utli, li jipprovdi lill-industrija b’benchmark ieħor indipendenti li miegħu nistgħu nkejlu kemm sejrin tajjeb f’termini tas-servizz ipprovdut lill-klijenti. Il-fatt li għandna l-iktar ħinijiet ta’ rispons veloċi huwa importanti. Li hu saħansitra aħjar, madankollu, huwa l-fatt li n-numru ta’ ilmenti fuq sitt xhur kien ta’ 11 biss. Dan kien l-inqas numru ta’ ilmenti fost l-operaturi kollha. Ovvjament, dan ifisser ukoll li għad hemm lok għal titjib, xi ħaġa li qed niffukaw fuqha kontinwament.”
It-titjib kontinwu fil-customer care ta’ Melita ġie sostnut mill-introduzzjoni tal-Intelliġenza Artifiċjali. Il-pjattaformi tal-AI żviluppati internament minn Melita issa jimmaniġġjaw aktar minn 40% tal-mistoqsijiet online, u b’hekk l-aġenti tal-customer care ta’ Melita jkunu jistgħu jiffokaw fuq sejħiet u mistoqsijiet tal-klijenti aktar kumplessi.
